Në zyrën tonë, ne besojmë në dhënien e kontributit në komunitet. Për këtë qëllim, shpeshherë angazhohemi në ofrimin e shërbimeve ligjore pa asnjë kosto për individët dhe organizatat që nuk kanë mundësi të përballojnë kostot financiare për t`i dhënë zgjidhje problemeve të tyre. Vlerësimi i rasteve që kualifiohen për të marrë këtë shërbim bëhet individual. Avokatët tanë në rastet e përzgjedhura, ofrojnë kohën dhe ekspertizën e tyre në mënyrë vullnetare, për të ndihmuar ata që kanë nevojë. 

Individët ose organizatat që kërkojnë ndihmë pro bono, mund të aplikojnë lehtësisht nëpërmjet faqes sonë të internetit, duke plotësuar formularin në seksionin Pyet Avokatin dhe duke vendosur në përshkrimin e problematikës edhe citimin PRO BONO. Më pas, ekipi ynë shqyrton rastet dhe ju kontakton nëse do nevojiten informacione shtesë, apo nëse do përzgjidheni për të përfituar nga programi.